(جناح ہاؤس حملہ کیس) 254 پی ٹی آئی رہنماؤں و کارکنوں پر فرد جرم عائد
شیئر کریں
ملزمان نے صحت جرم سے انکار کردیا، انسداد دہشتگردی عدالت نے سرکاری گواہ کو طلب کر لیا
عالیہ حمزہ، روبینہ جمیل، خدیجہ شاہ، اعجاز چوہدری، عمر سرفراز چیمہ، محمود الرشید سمیت دیگر شامل
انسداد دہشت گردی عدالت لاہور نے جناح ہاؤس حملے کے مقدمے میں پاکستان تحریک انصاف (پی ٹی آئی) کے رہنماؤں اور کارکنوں پر فرد جرم عائد کردی۔انسداد دہشتگردی عدالت کے جج منظر علی گل نے کوٹ لکھپت جیل میں سماعت کی۔دوران سماعت عدالت نے جناح ہاؤس حملے کے مقدمے میں 254 ملزمان پر فرد جرم عائد کی، ملزمان نے صحت جرم سے انکار کردیا، عدالت نے سرکاری گواہ کو طلب کر لیا۔ پی ٹی آئی رہنما عالیہ حمزہ، روبینہ جمیل، خدیجہ شاہ، اعجاز چوہدری، عمر سرفراز چیمہ، محمود الرشید سمیت دیگر پر فرد جرم عائد کی گئی ہے۔جناح ہاؤس حملے کے 2 ملزم وفات پا چکے ہیں، جبکہ مقدمے میں 10 ملزمان کو اشتہاری قرار دیا جا چکا ہے۔
