مسروقہ گاڑیوں کے مالکان سے تاوان لینے کا انکشاف

ویب ڈیسک

منگل, ۳۰ اپریل ۲۰۲۴

شیئر کریں

کراچی میں چھینی گئی اور مسروقہ گاڑیوں کے مالکان سے تاوان طلب کرنے کا انکشاف ہوا ہے ۔ کار لفٹرز گاڑیاں چوری کرکے مالکان کا فون نمبر حاصل کرتے ہیں۔ جس کے بعد مالکان سے رابطہ کرکے مسروقہ گاڑی کی تصویر اور انجن، چیچس نمبر بھیجا جاتا ہے ۔ اور گاڑی کی واپسی کے لیے رقم کا تقاضا کیا جاتا ہے ۔ متاثرہ شہریوں نے الزام عائد کیا ہے کہ چوروں کا فون نمبر اور لوکیشن دینے کے باوجود اے وی ایل سی کارروائی کرنے سے گریزاں ہے ۔