حلقہ بندیوں کا نوٹیفکیشن واپس، محکمہ بلدیات کا سندھ الیکشن کمشنر کو خط

جرات ڈیسک

جمعه, ۱۳ جنوری ۲۰۲۳

شیئر کریں

محکمہ بلدیات نے صوبائی الیکشن کمشنر سندھ کو خط لکھ دیا ہے کہ کراچی اور حیدرآباد میں حلقہ بندیوں کا نوٹیفکیشن واپس لے لیا۔ محکمہ بلدیات کی جانب سے تحریر کیے گئے خط کے متن میں کہا گیا ہے کہ سندھ کابینہ نے حلقہ بندیوں کا نوٹیفکیشن واپس لینے کی منظوری دی ہے، کراچی اور حیدرآباد میں بلدیاتی الیکشن نہ کرائے جائیں۔ خط میں کہا گیا کہ سیکشن 10 اے کے تحت حلقہ بندیوں کو ختم کیا گیا ہے، سندھ کابینہ کی ذیلی کمیٹی نئی حلقہ بندیوں کا نوٹیفکیشن جاری کرے گی۔ محکمہ بلدیات نے موقف اختیار کیا ہے کہ متعلقہ اضلاع میں نئی حلقہ بندیوں کے تحت الیکشن کرائے جائیں گے۔ خط میں مزید کہا گیا ہے کہ ضلع دادو اس وقت بھی بارش اور سیلابی پانی سے متاثر ہے، دادو کی تحصیل میہڑ اور تحصیل خیرپور ناتھن شاہ میں بلدیاتی انتخابات ملتوی کیے جائیں۔