چین اور پاک فضائیہ کی مشقیں شاہین فائیو شروع
شیئر کریں
بین الاقوامی معیار کی فضائیہ بنانے کے لئے کام کررہے ہیں، چینی ترجمان
چین اور پاک فضائیہ کی مشترکہ مشقیں شاہین فائیو چین میں شروع ہو گئیں چینی فضائیہ کے ترجمان کے مطابق عالمی معیار کی فضائی قوت بننے کے لئے غیر ملکی افواج کی مہارت سے فائدہ اٹھانا ناگزیر ہے جبکہ پیپلز لبریشن آرمی ایئرفورس کے ترجمان شی جنکی نے کہا کہ ان مشقوں میں جے الیون فائٹرز جے این سیون بمبر کے جے 200اواکس طیاروں زمینی فورسز اور زمین سے فضا میں مار کرنے والے میزائل اور ریڈارز شامل ہیں جبکہ ان مشقوں کے لئے پاکستان سے جے ایف 17اور قبل از وقت خبردار کرنے والے طیارے بجھوائے گئے تھے تاہم ترجمان نے مزید کہا کہ بین الاقوامی معیار کی فضائیہ بنانے کے لئے کام کر رہے ہین اور بین الاقوامی سطح پر تبادلوں سے آپریشنل تیاریوں میں مزید بہتری لا رہے ہیں جبکہ یہ مشقیں 27ستمبر تک جاری رہیں گی واضح رہے کہ شاہین نامی مشترکہ تربیتی پروگرام 2011میں چینی اور پاکستانی فضائی افواج کی طرف سے شروع کیا گیا تھا۔
