یوٹیوبر رجب بٹ ، وکلا کی لڑائی ؛ سٹی کورٹ میں ہڑتال
شیئر کریں
مظاہرین کا ایم اے جناح روڈ پر دھرنا ، ایف آئی آر کو فوری واپس لینے کا مطالبہ
جب تک ہماری ایف آئی آر درج نہیں ہوتی ہمارا احتجاج جاری رہے گا،احتجاجی وکلاء
(رپورٹ:افتخار چوہدری)کراچی ایم اے جناح روڈ پر وکلاء کے احتجاج کے باعث شاہراہ کئی گھنٹوں سے بند ۔احتجاج یوٹیوبر رجب بٹ کی جانب سے وکلاء کیخلاف درج ایف آئی آر کیخلاف کیا جارہا ہے، وکلاء نے بھی مقدمے کے لیے درخواست تھانے میں جمع کرتے ہوے کل سٹی کورٹ میں مکمل ہڑتال کی کال دے دی۔گزشتہ روز کراچی بار میں یوٹیوبر رجب بٹ کے ساتھ پیش آنے والے ناخوشگوار واقعے پر رجب بٹ کے وکیل نے ایف آئی آر درج کرائی جس پر وکلاء برادری نے بھی احتجاج شروع کردیا، مظاہرین نے ایم اے جناح روڈ پر دھرنا دیا اور ایف آئی آر کو فوری طور پر واپس لینے کا مطالبہ کیا۔احتجاجی مظاہرہ کرنے والے وکلاء کا کہنا ہے کہ جب تک ہماری ایف آئی آر درج نہیں ہوتی ہمارا احتجاج جاری رہے گا۔کراچی بارکونسل کے صدرعامرنواز وڑائچ نے کہا کہ تصادم نہیں چاہتے مل بیٹھ کر مسائل حل کرنا چاہتے ہیں اگر وکلاء کی غلطی ہوئی تو ان کیخلاف بھی کارروائی کریں گے رجب بٹ کے وکیل بیرسٹر میاں علی اشفاق نے عامر نواز وڑائچ اور رحمان کورائی کی مصالحتی کوششوں کو مثبت قراردیدیا،ایم اے جناح روڈ پر احتجاج سے ٹریفک کی روانی، ایمبولینس اور دیگر ہنگامی سروسز بھی متاثر ہیں ۔
