لاہور ،کراچی میں ٹماٹر کی قیمت میں ہوش ربا اضافہ

جرات ڈیسک

هفته, ۱۵ جولائی ۲۰۲۳

شیئر کریں

لاہور اور کراچی میں ٹماٹر کی قیمت میں اچانک ہوشربا اضافہ ہو گیا۔ شہر ِ قائد میں ایک کلو ٹماٹر کی قیمت 160 روپے ہو گئی ہے جبکہ دو روز قبل کراچی میں ٹماٹر 60 روپے کلو فروخت ہو رہے تھے۔ لاہور میں ٹماٹر کی قیمت میں 40 روپے اضافہ دیکھا گیا ہے ۔ اضافے کے بعد ٹماٹر 120 روپے کلو تک فروخت ہو رہے ہیں۔ لاہور میں دو روز قبل ٹماٹر 80 روپے کلو فروخت ہو رہے تھے۔ دکاندار وں کا کہنا ہے کہ بارشوں کی وجہ سے ٹماٹر کی قلت بڑھ رہی ہے، کوئٹہ سے ٹماٹر کے ٹرک 10 کے بجائے 3 آ رہے ہیں۔