سندھ کے تمام اسکولوں کا فائر سیفٹی آڈٹ کرانے کا فیصلہ
جرات ڈیسک
هفته, ۱۹ ستمبر ۲۰۲۶
شیئر کریں
ڈپٹی سیکریٹری اشرف حسین انصاری فوکل پرسن مقرر، آڈٹ شدہ اسکولوں کا ڈیٹا اپ لوڈ کیا جائے گا
۔۔۔۔۔
سندھ حکومت نے صوبے کے تمام اسکولوں کی عمارتوں کا فائر سیفٹی آڈٹ کرانے کا فیصلہ کرلیا۔محکمہ اسکول تعلیم کے مطابق صوبے کے تمام اسکولوں کا فائر سیفٹی آڈٹ کراکے اس کا ڈیٹا مرتب کیا جائے گا، جبکہ آڈٹ شدہ اسکولوں کا مکمل ڈیٹا صوبائی ڈیزاسٹر مینجمنٹ اتھارٹی کے صفحے پر اپ لوڈ کیا جائے گا۔ محکمہ اسکول تعلیم نے فائر سیفٹی آڈٹ کے امور میں رابطہ کاری کے لیے ڈپٹی سیکریٹری اشرف حسین انصاری کو فوکل پرسن مقرر کردیا ہے۔ وہ اسکولوں کے فائر سیفٹی آڈٹ سے متعلق امور میں متعلقہ اداروں سے رابطہ اور کوآرڈی نیشن کریں گے۔
