آئی ٹی برآمدات میں اضافہ حکومت کی اولین ترجیح، وزیراعظم
شیئر کریں
پاکستان کے نوجوانوں میں آئی ٹی کے حوالے سے بے پناہ استعداد موجود ہے
جس سے بھرپور استفادہ حاصل کیا جانا چاہئے، شہباز شریف کی اجلاس میں گفتگو
وزیراعظم محمد شہباز شریف نے کہا ہے کہ آئی ٹی سے متعلق برآمدات میں اضافہ حکومت کی اولین ترجیح ہے،آئی ٹی کے شعبے میں شہری اور دیہی علاقوں کے درمیان فرق کو کم کرنے کے لئے صوبائی، ڈسٹرکٹ کی سطح پر حکومتوں کا تعاون حاصل کیا جائے۔ وزیراعظم محمد شہباز شریف کی زیر صدارت وزارت انفارمیشن ٹیکنالوجی و ٹیلی کام کے امور کر جائزہ اجلاس منقعد ہوا،اس موقع پر وزیراعظم نے کہا کہ ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے،پاکستان کے نوجوانوں میں آئی ٹی کے حوالے سے بے پناہ استعداد موجود ہے جس سے بھرپور استفادہ حاصل کیا جانا چاہئے۔ وزیراعظم نے گلگت بلتستان اور آزاد جموں و کشمیر میں آسان خدمت مراکز کے قیام کے حوالیسے کام تیز کرنے کی ہدایت کی اور کہا کہ آسان خدمت کی سہولیات کو صوبوں میں بھی شروع کرنے کے حوالیسے صوبائی حکومتوں کے ساتھ مل کر کام کیا جائے،آئی ٹی کے شعبے میں شہری اور دیہی علاقوں کے درمیان فرق کو کم کرنے کے لئے صوبائی، ڈسٹرکٹ کی سطح پر حکومتوں کا تعاون حاصل کیا جائے۔ اجلاس کو ملک میں آئی ٹی کے فروغ کے حوالے سے اقدامات پر بریفنگ میں بتایا گیا کہ ملک بھر میں گھریلو انٹرنیٹ کنکشنز کی تعداد 2024 میں 1۔9 ملین سے بڑھ کر 2026 میں 5۔10 ملین ہوگئی ہے،اس مالی سال پاکستان سے 4۔5 سے 4۔6 بلین امریکی ڈالرز کی آئی ٹی برآمدات متوقع ہیں،حال ہی میں پاکستان میں 5 جی سروسز کے لئے نیلامی کی گئی جو کہ اس حوالے سے 2016 سے اب تک ہونے والی دنیا کی سب سے بڑی نیلامی تھی؛ اس آکشن سے پاکستان کو 509 ملین امریکی ڈالرز کا ریونیو حاصل ہوا،مصنوعی ذہانت کے فروغ کے حوالے سیفروری 2025 میں انڈس اے آئی ویک کا اہتمام کیا گیا؛ 30 شہروں میں تقریبات ہوئیں،انڈس اے آئی ویک میں 100 سے زائد بین الاقوامی مندوبین نے شرکت کی؛ 88 پولینز بنائے گئے،اسلام آباد کے سرکاری اسکولوں اور ہیلتھ یونٹس کو فائبر کنیکٹیویٹی فراہم کر دی گئی ہے،اسلام آباد کو فری انٹرنیٹ ہاٹ اسپاٹس کی فراہمی کا کام آخری مرحلے میں ہے،سید پور ماڈل ویلج اور فاطمہ جناح پارک میں ای?لرننگ پاڈز (E?learning pods) نصب کئے جا رہے ہیں۔ اجلاس میں وفاقی وزیر منصوبہ بندی احسن اقبال،وفاقی وزیر قانون و انصاف اعظم نذیر تارڑ، وفاقی وزیر اقتصادی امور احد خان چیمہ،وفاقی وزیر انفارمیشن ٹیکنالوجی و ٹیلی کام شزا فاطمہ،وزیر مملکت برائے خزانہ و ریلوے بلال اظہر کیانی اور متعلقہ اعلیٰ سرکاری افسران نے شرکت کی۔
