کراچی میں گیس ناپید، حکومت کے مقررہ اوقات میں بھی غائب

ویب ڈیسک

جمعه, ۶ جنوری ۲۰۲۳

شیئر کریں

گھروں میں مسلسل گیس غائب ہے، ماچس کی تیلیاں جلاجلا کر خواتین عاجز آگئیں۔میڈیارپورٹس کے مطابق کراچی میں گیس ناپید ہوگئی اور گھریلو صارفین کے چوہلے ٹھنڈے پڑ گئے، ایسے میں سلینڈربیچنے والوں کی چاندی ہوگئی ہے، حکومت کے مقرر کردہ اوقات میں بھی گیس بالکل غائب ہے جس وجہ سے گھریلو صارفین کو مہنگا سلینڈر خریدنا پڑ رہا ہے۔ایسے میں تنخواہ دار اور دیہاڑی دار طبقے کی جیبیں خالی ہوگئیں، مہنگائی کے ستائے افراد کے لیے سفید پوشی کا بھرم قائم رکھنا بھی دشوارہوگیا۔اس حوالے سے شہریوں کا کہنا تھا کہ حکومت کسی بھی چیز میں ریلیف دینے کے بجائے آئے روز چیزوں میں قیمت بڑھاکر ایک نیا بم پھوڑ دیتی ہے ، جس کی وجہ سے ضروریات زندگی کی اشیاء بھی خریدنا محال ہوگیا ہے۔