کراچی سمیت ملک کے مختلف شہروں میں بڑا بریک ڈاؤن
شیئر کریں
کراچی سمیت مختلف شہروں میں بجلی کا بڑا بریک ڈاؤن رہا ۔ نیشنل گرڈ میں خلل پیدا ہونے کی وجہ سے ملک کے مختلف علاقوں میں بجلی بند ہو گئی، نیشنل گرڈ میں خلل پیدا ہونے سے 6 ہزار میگا واٹ بجلی سسٹم سے نکل گئی، کراچی میں کینپ نیو کلیئر پلانٹ کی بجلی بھی سسٹم سے نکل گئی ، بجلی بحال کرنے کے لیے آپریشن جاری ہے۔ کراچی میں راشد منہاس روڈ، گلشنِ جمال، ڈالمیا روڈ، گلستانِ جوہر، گلشنِ اقبال، ڈیفنس ہاؤسنگ اتھارٹی، پی ای سی ایچ سوسائٹی، لیاقت آباد سی ون ایریا، فیڈرل بی ایریا بلاک 13، 12، 11، نارتھ کراچی، یوپی موڑ، ناگن چورنگی، بفر زون، ناظم آباد بلاک 4 اور 3، کھارادر، لیاری، اولڈ سٹی ایریا، ملیر ہالٹ اور رفاعِ عام میں بجلی کی فراہمی معطل ہوئی ہے۔ سٹی کورٹس اور احتساب عدالتوں میں بھی بجلی کی فراہمی معطل ہو گئی۔ کے الیکٹرک کے ترجمان کا کہنا ہے کہ مختلف مقامات پر بجلی بند ہونے کی اطلاعات ہیں، بجلی کی معطلی کی تحقیقات کر رہے ہیں، علاوہ ازیں جیکب آباد، شکارپور، سبی، دادو، گھوٹکی میں بھی بجلی بند رہی۔ بریک ڈاؤن کی وجہ سے ملتان اور بہاولنگر سمیت پنجاب کے مختلف شہروں میں بجلی کی فراہمی معطل ہو گئی۔
