بھتہ خوری کے الزام میں 4 پولیس اہلکار گرفتار

ویب ڈیسک

جمعه, ۱۰ جولائی ۲۰۲۰

شیئر کریں

شہر قائد میں بھتہ خوری کے الزام میں 4 پولیس اہلکاروں کو گرفتار کرلیا گیا۔تفصیلات کے مطابق کراچی کے علاقے الآصف اسکوائر کے قریب بھتہ خوری کے الزام میں سچل تھانے کے 4 اہلکاروں کو گرفتار کرکے مقدمہ درج کرلیا گیا۔ذرائع کے مطابق جرائم کی سرپرستی کرنے کے الزام میں ایس ایچ او صفدر عباسی کو بھی ہٹا دیا گیا ہے۔پولیس کے مطابق مقدمے میں تین کانسٹیبل سمیت ہیڈ کانسٹیبل کے نام شامل ہیں، چاروں اہلکار غیرقانونی سرگرمیوں میں ملوث ہیں۔پولیس کے مطابق ملوث اہلکار گٹکا مافیا اور منشیات فروشوں سے بھتہ وصول کرتے تھے۔