اپنی دھرتی کے دفاع سے بڑھ کر کوئی چیز مقدس نہیں،آرمی چیف

ویب ڈیسک

پیر, ۲۵ فروری ۲۰۱۹

شیئر کریں

آرمی چیف جنرل قمر جاوید باجوہ نے واضح کیا ہے کہ اپنی دھرتی کے دفاع سے بڑھ کر کوئی چیز مقدس نہیں،پاک فوج کی قیادت کرنے پر فخر ہے ،

پاک فوج مادر وطن کے دفاع کے لیے ہر دم تیار ہے۔پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے سیالکوٹ کے قریب ورکنگ باؤنڈری کا دورہ کیا۔

آئی ایس پی آر نے بتایا کہ آرمی چیف نے جوانوں کے بلند حوصلے اور تیاری کو سراہا۔ورکنگ باؤنڈری پر پاک فوج کے افسران اور جوانوں سے خطاب میں آرمی چیف جنرل قمر جاوید باجوہ نے کہاکہ اپنی دھرتی کے دفاع سے بڑھ کر کوئی چیز مقدس نہیں۔ انہوں نے کہا کہ پاک فوج کی قیادت کرنے پر فخر ہے اور پاک فوج مادر وطن کے دفاع کیلئے ہر دم تیار ہے۔