امریکی کانگریس میں تاریخ رقم،دومسلم خواتین اراکین نے قران پاک پرحلف اٹھا لیا
شیئر کریں
امریکی کانگریس میں تاریخ رقم ہو گئی، پہلی بار دومسلم خواتین کانگریس کا حصہ بن گئیں، حجاب پہنے الہان عمر اور راشدہ طلیب نے قران پاک پر حلف اٹھایا۔اس طرح امریکی ایوان نمائندگان میں اپوزیشن کو اکثریت حاصل ہوگئی، نینسی پلوسی نے ا سپیکر کا عہدہ سنبھال لیا۔کانگریس میںکم عمر خاتون سے لے کر پہلی مسلمان خواتین نمائندگان شامل ہیں، امریکی کانگریس میں خواتین کی سب سے زیادہ تعداد کا نیا ریکارڈ بن گیا ہے، دوسری جانب نینسی پلوسی دوسری بار ایوان نمائندگان کی ا سپیکر بن گئیں۔پہلی بار دومسلم خواتین حصہ بن گئیں، الہان عمر اور راشدہ طلیب نے قرآن پاک پر حلف اٹھایا۔ ڈیٹرائٹ میں پیدا ہونے والی طلیب کا تعلق فلسطین سے ہے۔ الہان عمر صومالیہ سے تعلق رکھنے والی پہلی کانگریس خاتون ہیں۔ 29سالہ الیگزینڈریا اوکیسیو کورٹیز کانگریس میں حلف اٹھانے والی سب سے کم عمر خاتون ہیں۔ادھر ایوان نمائندگان میں جہاں اب ڈیموکریٹس کی اکثریت ہے، امریکا میں دو ہفتوں سے جاری شٹ ڈائون کو ختم کرنے کے لیے بل کی منظوری دے دی جس میں میکسیکو سرحد پر دیوار کی تعمیر کا فنڈ شامل نہیں ہے۔
