پاک آرمی نے برطانیہ میں پیٹرول مشقوں میں گولڈ میڈل حاصل کرلیا

ویب ڈیسک

هفته, ۲۱ اکتوبر ۲۰۱۷

شیئر کریں

اسلام آباد (بیورو رپورٹ) پاک آرمی کی ٹیم نے رواں ماہ برطانیہ میں منعقدہ کیمبریان پیٹرول مشقوں کے مقابلوں میں گولڈ میڈل حاصل کرلیا،پاک فوج کے شعبہ تعلقات عامہ آئی ایس پی آر کے مطابق پاک فوج کی ٹیم نے رواں سال ہونے والے مقابلوں میں یہ دوسرا گولڈ میڈل حاصل کیا ہے، جبکہ مجموعی طور پرچار تمغے بھی اپنے نام کیے، برطانیہ میں منعقدہ مقابلوں میں پوری دنیا سے فوج کی 131ٹیموں نے حصہ لیا۔کیمبریان پیٹرول کا شمار فوجی جوانوں کی ایک مشکل پیٹرولنگ مشق میں ہوتا ہے جہاں مقابلوں میں شرکت کرنے والے اہلکار 80کلومیٹر پر مشتمل علاقے پر 48گھنٹوں سے کم وقت میں مشکل مشقیں کرتے ہیں،کیمبریان کی پہاڑیوں اور ویلز کے درمیان مختلف قسم کی فوجی مشقیں بھی انجام دی جاتی ہیں۔