عدالتی ملازمین کا قلم چھوڑ ہڑتال کا اعلان
شیئر کریں
جوڈیشل و یوٹیلیٹی الاؤنس کی بندش کے خلاف پاکستان سیکریٹریٹ پر دھرنا
ججز کے الاؤنس بحال کر دیے گئے تو ماتحت عملہ کیوں بدحال ہے، مظاہرین
کراچی میں عدالتی ملازمین نے صبح نو بجے سے بارہ بجے تک قلم چھوڑ ہڑتال کا اعلان کردیا۔ تفصیلات کے مطابق کراچی میں وفاقی عدالتوں کے ملازمین نے جوڈیشل اور یوٹیلیٹی الاؤنس کی بندش کے خلاف پاکستان سیکریٹریٹ کے باہر احتجاجی دھرنا دیا جس کے باعث شاہراہ عراق ٹریفک کے لیے بند کر دیا گیا۔احتجاج میں احتساب عدالتوں، وفاقی اینٹی کرپشن ، کورٹس اور دیگر ملازمین شامل تھے۔ دھرنے میں شریک درجنوں ملازمین نے پر جوش نعرے بازی لگاتے ہوئے سوال کیا کہ ججز کے الاؤنس بحال کر دیے گئے تو ماتحت عملہ کیوں بدحال ہے؟ مظاہرین کا کہنا تھا کہ وزارتِ خزانہ اور اے جی پی آر کی جانب سے ماتحت عملے کا الاؤنس بند کرنا سراسر ناانصافی ہے ۔ ان کا کہنا تھا کہ ججز کے الاؤنسز تو فوراً بحال کر دیے گئے مگر جو عدالتی نظام میں ریڑھ کی ہڈی کی حیثیت رکھنے والے ماتحت ملازمین کو یکسر نظرانداز کر دیا گیا ہے ۔ مظاہرین نے وفاقی حکومت سے اسپیشل الاونس کو فورا بحال
کرنے کا مطالبہ کرتے ہوئے خبردار کیا ہے کہ اگر اُن کے مطالبات فوری طور پر تسلیم نہ کیے گئے تو احتجاج کا دائرہ پورے ملک تک پھیلا دیا جائے گا۔
