وزیراعلیٰ انتخاب کا شیڈول تیار،پختونخوا اسمبلی اجلاس کل طلب
شیئر کریں
آج کاغذات نامزدگی جمع اور شام 5 بجے امیدواروں کی حتمی فہرست جاری کی جائے گی
نئے وزیراعلی کے انتخاب کیلئے شو آف ہینڈ کے ذریعے ووٹ کل صبح دس بجے کی جائے گی
خیبرپختونخوا اسمبلی کا اجلاس کل صبح دس بجے طلب کرلیا گیا جس میں نئے وزیراعلیٰ کا انتخاب کیا جائے گا۔اسمبلی سیکرٹریٹ کی جانب سے نئے شیڈول کا باضابطہ اعلامیہ جاری کردیا گیا جس میں کہا گیا ہے کہ اس سے قبل 20اکتوبر دوپہر دو بجے تک ملتوی کیا گیا تھا۔اعلامیے کے مطابق اجلاس میں نئے قائد ایوان کا انتخاب کیا جائے گا۔کے پی اسمبلی سیکرٹریٹ نے وزیراعلی کے انتخاب کا شیڈول جاری کردیا جس کے مطابق آج 12 اکتوبر دوپہر 3 بجے تک کاغذات نامزدگی جمع کرائے جائینگے، جس کے فوری بعد اسکروٹنی کی جائے گی اور شام پانچ بجے امیدواروں کی حتمی فہرست جاری کردی جائے گی۔شیڈول کے مطابق نئے وزیراعلی کے انتخاب کے لئے شو آف ہینڈ کے ذریعے ووٹ کل صبح دس بجے کی جائے گی۔
