ذوالفقار بھٹو کی46ویں برسی بھرپور انداز میں منائیں گے ،مراد علی شاہ
شیئر کریں
بھٹو کے برسی پروگرام کے انتظامات سے متعلق کمشنر لاڑکانہ طاہر سانگی کی بریفنگ
جلسہ میں عوام کے لئے ضروری سہولیات کے انتظامات کئے جائیں، وزیراعلیٰ کی ہدایت
وزیراعلیٰ سندھ مراد علی شاہ نے کہا ہے کہ شہید ذوالفقار علی بھٹو مسلم دنیا کے عظیم لیڈ تھے ، ذوالفقار علی بھٹو کی شہادت مسلم دنیا کا بہت بڑا سانحہ تھا، شہید عوام کی برسی کا پروگرام بھرپور انداز میں منعقد کیا جائے گا۔وزیراعلیٰ سندھ سید مراد علی شاہ کی زیرصدارت شہید ذوالفقارعلی بھٹو کے 46ویں یوم شہادت کے انتظامات کے حوالے سے اجلاس ہوا، جس میں پیپلز پارٹی سندھ کے صدر نثار احمد کھوڑو، ناصر حسین شاہ، سعید غنی اور دیگر نے شرکت کی۔سینئر وزیر شرجیل انعام میمن، ارکان اسمبلی اور ڈی آئی جی لاڑکانو اور دیگر بذریعہ ویڈیو لنک شریک ہوئے ، بھٹو کے برسی پروگرام کے انتظامات سے متعلق وزیراعلیٰ سندھ کو کمشنر لاڑکانو طاہر سانگی نے بریفنگ دی۔وزیراعلیٰ سندھ مراد علی شاہ نے کہا کہ جلسہ میں آنے والے عوام کے لئے ضروری سہولیات کے انتظامات کئے جائیں، پارکنگ کے خصوصی انتظامات ہوں تاکہ کسی کو تکلیف نہ ہو۔مراد علی شاہ نے ہدایت کی کہ جلسہ گاہ میں آنے اور جانے والے راستوں کو الگ رکھا جائے تاکہ ٹریفک جام نہ ہو، پینے کا پانی، واش رومز اور دیگر سہولیات کا بہتر انتظام کیا جائے ۔
وزیراعلیٰ سندھ مراد علی شاہ نے نے 4 اپریل کے پروگرام کے سکیورٹی انتظامات کا جائزہ بھی لیا۔
