ایران نے 11 لاکھ افغان پناہ گزینوں کو ملک بدر کر دیا
شیئر کریں
ایرانی حکومت نے غیر قانونی نقل و حرکت روکنے کے لیے سرحدی نگرانی بڑھا دی
ایران و پاکستان میں لاکھوں افغان پناہ گزین بے یقینی کی صورتحال کے شکار ہیں
ایران نے 11 لاکھ افغان پناہ گزینوں کو ملک بدر کر دیا اور مزید پناہ گزینوں کو پناہ دینے سے معذرت کا اظہار کیا ہے۔ایرانی وزیر داخلہ اسکندر مومنی کے مطابق ملک میں افغان پناہ گزینوں کیلئے مزید جگہ نہیں، اس لئے حکومت نے سخت اقدامات کرتے ہوئے سرحدوں کی نگرانی مزید بڑھا دی ہے تاکہ غیر قانونی نقل و حرکت کو روکا جا سکے۔دوسری جانب افغانستان میں طالبان حکومت نے ایران اور پاکستان سے مطالبہ کیا ہے کہ افغان پناہ گزینوں کی واپسی کو زبردستی کے بجائے ایک منظم طریقے سے انجام دیا جائے۔ ایران اور پاکستان میں افغان مہاجرین کے خلاف سخت پالیسیوں کے بعد لاکھوں افغان شہری بے یقینی کی صورتحال کا شکار ہو گئے ہیں۔ گزشتہ روز پاکستانی وزارت داخلہ نے بھی تمام افغان سِٹیزن کارڈ ہولڈرز کو 31 مارچ تک ملک چھوڑنے کی ہدایت جاری کی تھی۔وزارت داخلہ کے مطابق 31 مارچ کے بعد غیر قانونی طور پر مقیم غیر ملکیوں کے خلاف سخت کارروائی کی جائے گی اور یکم اپریل سے ملک بدر کرنے کا عمل شروع ہوگا۔
