سندھ بلڈنگ، آصف رضوی، اورنگزیب ضلع وسطی پرتاحال قابض
شیئر کریں
غیر قانونی پورشن کی تعمیرات سے ناظم آباد کے بنیادی مسائل میں اضافہ علاقہ مکین سراپا احتجاج
پلاٹ نمبر 2J 1/2اور 2K 12/1پر پورشن کی تعمیرات میں بیٹرمافیا کو چھوٹ، جرأت سروے
غیر قانونی تعمیرات کے روک تھام اور خاتمے کے لیے قائم کیئے جانے والے ادارے سندھ بلڈنگ کنٹرول اتھارٹی کے بدعنوان افسران ہی غیر قانونی تعمیرات کی سرپرستی میں ملوث ہیں۔ اطلاعات کے مطابق ایسے ہی دو بدعنوان افسران عمران رضوی اور اورنگزیب عرصہ دراز سے وسطی پر قابض ہیں ۔سرپرستوں کی سرپرستی کا ناجائز فائدہ اٹھاتے ہوئے ناظم آباد میں عدالتی احکامات کے برخلاف غیر قانونی تعمیرات کروانے والی مافیا کو خطیر رقوم کے عوض مکمل چھوٹ دے رکھی ہے ۔ماضی میں کئی بار ہونے والے تبادلوں نے بھی قائم اورنگزیب سسٹم پر کوئی اثر نہیں چھوڑا ہے۔ گزشتہ پانچ سالوں کے دوران ناظم آباد میں بے ہنگم بلند عمارتوں کی تعمیر سے علاقے کا بنیادی ڈھانچہ مکمل طور پر تبدیل اور بنیادی مسائل میں بے پناہ اضافہ ہو چکا ہے جس پر علاقہ مکین سراپااحتجاج ہیں جرأت سروے کے مطابق عمران رضوی اور اورنگزیب سے بیٹر مافیا نے گٹھ جوڑ کرنے کے بعد ناظم آباد کے پلاٹ 2J 1/2 اور 2K 12/1 پر کمرشل پورشن کی تعمیرات کی چھوٹ حاصل کر لی ہے ۔
