بارش اور برفباری کے باعث سڑکوں پر ٹریفک کی روانی متاثر
شیئر کریں
مری :مری میں بارش اور برفباری کا سلسلہ جاری ہے جبکہ آئندہ 24 گھنٹوں تک مزید بارش و برفباری کے امکانات ہیں۔
زرائع کے مطابق کے مطابق بارش اور برفباری کے باعث سڑکوں پر ٹریفک کی روانی متاثر ہوسکتی ہے ۔
سڑکوں پر انتظامیہ کی جانب سے نمک کا چھڑکاﺅ کیا جارہا ہے ۔
ڈی جی پی ڈی ایم اے عرفان علی کاٹھیا نے مری انتظامیہ کو الرٹ رہنے کی ہدایات کی ہیں ۔
انہوں نے کہا ہے کہ انتظامیہ الرٹ ر ہے اور کسی قسم کی غفلت کا مظاہرہ نہ کیا جائے ۔
ہیوی مشینری کے استعمال سے برف کو ساتھ ساتھ ہٹایا جائے، شاہراہوں پر ٹریفک کی روانی کو یقینی بنایا جائے۔
ڈی جی پی ڈی ایم اے نے کہا ہے کہ سیاحوں کو موسم کی مناسبت سے سہولیات فراہم کرنا انتظامیہ کی ذمہ داری ہے ۔
مری میں سیاحوں کی رہنمائی کے لیے 13 فسیلیٹیشن مراکز قائم ہیں سیاحوں سے گزارش ہے کہ موسم کی صورت حال کا جائزہ لے کر سفرپر نکلیں۔مری ملکہ کوہسار ہے-
ناخوشگوار واقعہ نہ ہو۔تمام ادارے عوام الناس کی خدمت میں مصروف ہیں ۔شہری احتیاط کریں اور غیر ضروری سفر سے گریز کریں ۔
