شکارپورپولیس کا کچے میں ڈاکوئوں سے مقابلہ،ایک ہی خاندان کے 9 مغوی بازیاب

ویب ڈیسک

اتوار, ۱۳ اکتوبر ۲۰۲۴

شیئر کریں

سندھ کی ضلع شکارپور کی پولیس نے ڈاکوئوں سے مقابلے کے بعد سکھر کے رہائشی ایک ہی خاندان کے 9 مغویوں کو بازیاب کروالیا۔ شکارپور کچے کے علاقے میں ڈاکو مغویوں کو دوسرے مقام پر منتقل کررہے تھے کہ پولیس پہنچ گئی۔رپورٹ کے مطابق اس کے بعد پولیس اور ڈاکوئوں میں فائرنگ کا تبادلہ ہوا، مقابلے کے دوران ڈاکو تمام مغویوں کو چھوڑ کر فرار ہوگئے۔رپورٹ کے مطابق ڈاکوئوں نے 15 روز قبل سکھر کے ایک ہی خاندان کے 2 مرد، دو خواتین اور اور 5 بچوں سمیت 9 افراد کو رشتے کا جھانسہ دے کر اغوا کیا تھا۔