طالبان نے پاسداران انقلاب کی نیوز ایجنسی کا فوٹوگرافر گرفتار کر لیا
شیئر کریں
ایرانی سپاہِ پاسداران انقلاب نے کہا ہے کہ طالبان فورسز نے اس کے عملے میں شامل سے ایک فوٹوگرافر کو گرفتار کیا ہے جو ذاتی سفر پر کابل گیا تھا۔غیرملکی خبررساں ادارے کے مطابق طالبان فورسز نے اس کے کیمرہ مین محمد حسین ولایتی کو گزشتہ ہفتے کے روز کابل کے ہوائی اڈے سے گرفتار کر لیا۔ گرفتاری کی وجوہات سامنے نہیں آئیں۔ ایجنسی نے طالبان کو ایک انتباہ میں کہا کہ ایرانی صحافیوں کے ساتھ (طالبان) کے برتاؤ پر ایرانیوں کے منفی رویے کو دیکھتے ہوئے تحریک سے توقع ہے کہ وہ ایرانی فوٹوگرافر کو جلد رہا کر دے گی۔ 8 اگست 1998 کو مزار شریف میں ارنا نیوز ایجنسی کے نامہ نگار سمیت ایرانی قونصل خانے کے عملے کے آٹھ ارکان کے قتل کے بعد تہران اور طالبان کے درمیان تعلقات برسوں سے خراب ہوتے چلے آ رہے ہیں۔ایجنسی کے مطابق اس کے فوٹوگرافر نے دس دن کابل میں ایک ذاتی سفر پر گزارے۔ اسے ہفتہ کو افغان دارالحکومت کے ہوائی اڈے پر روکا گیا، جب وہ تہران واپس جا رہے تھے۔ ایرانی سفارتخانے کے ناظم الامور حسین کاظمی قومی نے کہا کہ ان کی ٹیم گرفتار فوٹوگرافر کے معاملے پر نظر رکھے ہوئے ہے۔ انہوں نے کہا کہ انہوں نے طالبان حکومت کی انٹیلی جنس سروس سے رابطہ کیا تھا۔
