راولپنڈی میں بارش ،ژالہ باری، پاک نیوزی لینڈ چوتھا ٹی ٹوئنٹی میچ بے نتیجہ ختم

ویب ڈیسک

جمعرات, ۲۰ اپریل ۲۰۲۳

شیئر کریں

راولپنڈی میں بارش اور ڑالہ باری کے باعث پاکستان اور نیوزی لینڈ کے درمیان چوتھا ٹی ٹوئنٹی میچ بے نتیجہ ختم ہوگیا۔نیوزی لینڈ نے پہلے کھیلتے ہوئے 18.5 اوورز میں 5 وکٹ پر 164 رنز بنائے تھے کہ تیز بارش اور ژالہ باری شروع ہوگئی جس کے بعد پچ کو کورز سے ڈھانپ دیا گیا۔ژالہ باری کے باعث گراؤنڈ نے سفید چادر اوڑھ لی جو دلفریب منظر پیش کر رہا تھا۔بارش رکنے کے بعد گراؤنڈ میں پانی زیادہ ہونے کی وجہ سے میچ دوبارہ شروع نہ ہوسکا اور بے نتیجہ ختم ہوگیا۔خیال رہے کہ 5 ٹی ٹوئنٹی میچز کی سیریز میں پاکستان کو 1ـ2 کی برتری حاصل ہے ۔