افغان ٹیم سے شکست،سابق کرکٹرز نے شاداب کو تنقید کا نشانہ بنایا؟
ویب ڈیسک
اتوار, ۲۶ مارچ ۲۰۲۳
شیئر کریں
افغانستان کے خلاف پہلے ٹی20 میچ میں شکست کے ساتھ ہی سابق کرکٹرز نے کپتان شاداب خان پر تنقید کے نشتر چلادیئے۔سابق کرکٹر کامران اکمل اور سلمان بٹ نے کپتان کو ٓڑے ہاتھوں لیتے ہوئے کہا کہ شاداب خان طویل عرصے سے قومی ٹیم کے نائب کپتان کی ذمہ داری سنبھال رہے ہیں، وہ کیسے پچ کو صحیح طریقے سے پڑھنے میں ناکام ہیں۔کامران اکمل نے سوال اٹھایا کہ پاکستان نے اپنے 5 اہم کھلاڑیوں کو آرام دیا تو پھر آپکو شان مسعود اور افتخار احمد کو کھلانا چاہیئے تھا۔ سلیکٹرز کو انہیں ڈراپ نہیں کرنا چاہئے تھا کیونکہ اگر آپ دونوں کو آرام کرواتے ہیں تو آپ پر دباؤ بڑھ جائے گا۔
