نوازشریف 3 دن جیل میں رہ کر ضمانت پرآتے تو امیج آسمان کی طرف جاتا،خورشید شاہ
شیئر کریں
پاکستان پیپلز پارٹی کے رہنما سید خورشید شاہ کا کہنا ہے کہ نوازشریف 3 دن جیل میں رہ کر ضمانت کے بعد آتے تو امیج آسمان کی طرف جاتا۔انہوں نے اے آر وائی نیوز سے گفتگو کرتے ہوئے کہا کہ اگر کسی کو لاڈلا بنایا جاتا ہے تو آپ کو کیا اعتراض ہے ، لاڈلا بنتا رہے، اچھی بات ہے۔خورشید شاہ نے کہا کہ نوازشریف آیا ہے اس کو موقع دیں۔پی پی بھی میدان میں ہیں۔انہوں نے کہا نوازشریف کو مشورہ دیا تھا کہ سیدھا جلسہ گاہ نہ جائیں۔نوازشریف تین دن جیل میں رہ کر ضمانت کے بعد جلسہ گاہ آتے۔مشورہ مانتے تو جس جگہ چار ہزار لوگ آئے وہاں دو لاکھ لوگ آتے۔جیل جانے سے نوازشریف کا امیج آسمان کی طرف جاتا ، اب نیچے جا رہا ہے۔قبل ازیں ا خورشید شاہ نے کہا ہے کہ اپیل کروں گا کہ نواز شریف پاکستان بچاؤ کسی کی مدد سے نہ آؤ۔خورشید شاہ نے میڈیا سے گفتگو کرتے ہوئے کہا کہ اپیل کروں گا نواز شریف ملک بچائو، کسی کے ہاتھ میں نہ آؤ۔انہوں نے کہا کہ ہمارا واضح موقف تھا کہ الیکشن نواز شریف کے لیے روکا گیا ہے، نواز شریف کو اعلان کرنا چاہیے کہ میں آ گیا ہوں، اب الیکشن ہوں گے۔ پیپلز پارٹی کے رہنما نے کہا کہ نواز شریف غلط راستے سے آئے تو یہ بھی تاریخ کی ایک مثال بن جائیں گے، پی پی جب بھی آئی ہے اپنا منشور لے کر آئی ہے۔
