موسم سرما میں گیس کے بحران کا خطرہ
شیئر کریں
سوئی سدرن گیس کمپنی(ایس ایس جی سی) نے انتباہ کیا ہے کہ موسمِ سرما میں گیس کا بحران شدید ہوگا، تمام اسٹیک ہولڈرز سمیت کے الیکٹرک اپنا متبادل بندوبست کرلے ۔ایس ایس جی سی کی جانب سے جاری اعلامیے میں بتایا گیا ہے کہ موسم سرما میں گیس کا بحران شدید ہوگا، سردیوں میں سندھ میں ایس ایس جی سی کو 300 ایم ایم سی ایف ڈی کمی کا سامنا ہوگا، گیس کے مسائل مزید پیچیدہ ہوں گے ، پیشگی اطلاع تمام اسٹیک ہولڈرز کو دی جا چکی ہے ، تمام اسٹیک ہولڈرز سمیت کے الیکٹرک اپنا متبادل بندوبست کریں۔ ترجمان ایس ایس جی سی نے کہاکہ گھریلو صارفین کو گیس پہنچانا اولین ترجیحات میں شامل ہے ، کراچی میں گیس کی لوڈشیڈنگ نہیں کی جا رہی، مختلف گیس فیلڈز سے ایس ایس جی سی کے گیس سسٹم میں گیس کم موصول ہو رہی ہے ، گیس فیلڈ سے گیس کمی سے لو گیس پریشر کی شکایات ہیں۔ترجمان کے مطابق ایس ایس جی سی کو 150 ایم ایم سی ایف ڈی کا شارٹ فال ہے ، شارٹ فال ہونے سے لان پیک کی صورتحال متاثر ہوئی ہے ، سنجھورو اور زرگون گیس فیلڈز سالانہ مرمت کی وجہ سے بند ہے ، باقی گیس فیلڈز سے ملنے والی گیس کی مقدار میں بھی کمی ہورہی ہے ، کے الیکٹرک کو 190 سے 200 ایم ایم سی ایف ڈی تک گیس کی سپلای جاری رکھی ہوئی ہے ، امید ہے کہ کچھ دنوں میں حالات بہتر ہوں گے۔
