عمران خان کی حکومت 75 فیصد پاکستان پر ہے خواجہ آصف
شیئر کریں
جنوبی پنجاب،خیبر پختونخوا میں تباہی آئی ہوئی ہے، ایسے میں عمران خان کو جلسوں کی پڑی ہوئی ہے
لوگوں نے آبی گزر گاہوں پر تجاوزات کر رکھی تھیں، رشوت دے کر گھر اور ہوٹل تعمیر کیے ہوئے ہیں
اسلام آباد(بیورورپورٹ)وزیر دفاع خواجہ محمد آصف نے کہا ہے کہ ملک میں سیلاب کی تباہی جاری ہے جبکہ 75 فیصد پاکستان پر عمران خان کی حکومت ہے۔ایک بیان میں خواجہ محمد آصف نے کہا کہ جنوبی پنجاب اور خیبر پختونخوا میں بارشوں اور سیلاب سے تباہی آئی ہوئی ہے، ایسے میں عمران خان کو جلسوں کی پڑی ہوئی ہے۔انہوں نے کہا کہ ملک میں 75 فیصد حکومت عمران خان کی ہے اور ہمیں 24 میل حکومت کا طعنہ اور گالیاں دیتے ہیں۔وزیر دفاع نے مزید کہا کہ ملک میں سیلابی صورتحال بے قابو ہے، دعا ہے اس پر قابو آجائے، قدرت کی طرف سے جو آزمائش ہے، وہ تو ہے ہی، اس میں ہمارا اپنا بھی قصور ہے۔اْن کا کہنا تھا کہ لوگوں نے آبی گزر گاہوں پر تجاوزات کر رکھی تھیں، رشوت دے کر گھر اور ہوٹل تعمیر کیے ہوئے ہیں۔خواجہ محمد آصف نے یہ بھی کہا کہ کسی نے اس صورتحال پر درست کہا کہ قدرت نے اپنی گزرگاہوں کو انسانوں سے واگزار کروالیا ہے۔انہوں نے کہا کہ خلیج سیامداد آنا شروع ہوگئی ہے، دیگر ممالک بھی امداد بھیج رہے ہیں۔ن لیگی رہنما نے کہا کہ عمران خان روز اپنا بیانیہ بدل رہے ہیں۔
