حیدرآبادڈیولپمنٹ اتھارٹی میں خلاف ضابطہ تقرریوں کا انکشاف، جونیئر افسران کا دو عہدوں پر تقرر
شیئر کریں
(رپورٹ :شاہنواز خاصخیلی) حیدرآباد ڈیولپمنٹ اتھارٹی میں خلاف ضابطہ تقرریوں کا انکشاف، جونیئر کلرکس اسسٹنٹ ٹیکسیشن افسر کے طور پر کام کرنے لگے، گریڈ 17 کا خالد نور شیخ ڈی ایم سی لطیف آباد اور غضنفر ڈی ایم سی سٹی کے عہدوں پر براجمان، مختلف عہدوں پر او پی ایس پر افسران تعینات، سینئر افسران نظرانداز، تفصیلات کے مطابق حیدرآباد ڈیولپمنٹ اتھارٹی میں قواعد و ضوابط کے خلاف تقرریوں کا انکشاف ہوا ہے، ملنے والے معلومات کے مطابق کئی افسران کو او پی ایس پر تعینات کیا گیا ہے، واسا کے ڈپٹی ڈائریکٹر اکائونٹس غضنفر 18 ویں گریڈ کے عہدے ڈپٹی منیجر کمرشل کے عہدے پر موجود ہے، جبکہ شعبہ پلاننگ اینڈ ڈیولپمنٹ کا ڈپٹی ڈائریکٹر اکاؤنٹس خالد نور شیخ کے پاس بھی ڈی ایم سی لطیف آباد کا چارج ہے، ذرائع کے مطابق حیدرآباد کے لطیف آباد، قاسم آباد اور سٹی کے اسسٹنٹ ٹیکسیشن افسر کے عہدوں پر جونیئر کلرکس کام کر رہے ہیں، جبکہ گریڈ 16 کے عہدے پر جونیئر کلرکس تقرر ہی نہیں کئے جاسکتے، حیرت انگیز طور پر حیدرآباد ڈیولپمنٹ اتھارٹی میں موجود سینئر افسران کو نظرانداز کرکے او پی ایس پر جونیئر افسران کو دو دو چارجز سے نوازا گیا ہے۔
