جس نے لڑناہے سیاسی طورپرلڑے ،میں اورنوازشریف کافی ہیں،مریم نواز
شیئر کریں
مسلم لیگ (ن) کی نائب صدر مریم نواز نے کہا ہے کہ ایسا نظام ہو ملک میں انصاف ملے، ایسا نظام نہ ہو کہ تین بار کے وزیراعظم کو جیل میں ڈالا جائے ،محمد زبیر میرے ترجمان ہیں اور رہیں گے،محمد زبیر اور ان کی بیگم کو کئی بار دھمکیاں دی گئیں ،مجھے کوئی دھمکی نہیں دیتا پہلے آئی تھی تو نوازشریف نے بھر پور جواب دے دیا تھا ، چیئرمین نیب کی توسیع آئین کے دائرہ اختیار میں ہونا چاہیے اس کا فیصلہ پارٹی کرے گی۔ ان خیالات کااظہار مریم نواز نے ماڈل ٹائون پارٹی سیکرٹریٹ میں صحافیوں سے غیررسمی گفتگو کرتے ہوئے کیا ۔ انہوںنے کہاکہ محمد زبیر کی ویڈیو ان کا ذاتی معاملہ ہے، ایسے کسی کی غیر اخلاقی ویڈیو سامنے آنا انتہائی بری بات ہے،کسی کی بھی ویڈیو سامنے نہیں آنی چاہیے۔انہوںنے کہاکہ محمد زبیر میرے ترجمان ہیں اور رہیں گے،محمد زبیر اور ان کی بیگم کو کئی بار دھمکیاں دی گئیں ،مجھے کوئی دھمکی نہیں دیتا پہلے آئی تھی تو نوازشریف نے بھر پور جواب دے دیا تھا ۔انہوںنے کہاکہ ایسا نظام ہو ملک میں انصاف ملے، ایسا نظام نہ ہو کہ تین بار کے وزیراعظم کو جیل میں ڈالاجائے ۔انہوںنے کہاکہ چیئرمین نیب کی توسیع آئین کے دائرہ اختیار میں ہونا چاہیے اس کا فیصلہ پارٹی کرے گی، میں تو یہ چاہتی ہوں میاں نواز شریف کی واپسی دسمبر سے پہلے ہو۔انہوںنے کہاکہ جنید صفدر قانون کے فائنل ائیر میں ہے وہ ابھی لیگل پریکٹس کرے گا،جنید کی تو ابھی شادی ہونے والی ہے ابھی اس کا سیاست میں کوئی ارادہ نہیں،میں اور میاں صاحب سیاست کے لئے کافی ہیں۔انہوںنے کہاکہ جس نے مجھ سے لڑنا ہے وہ سیاسی طور پر لڑے،کچھ لوگ نوازشریف کی زبان بند کرنا چاہتے ہیں۔
