کرائسٹ چرچ دہشت گرد حملہ ،مزید تین پاکستانیوں کی شہادت کی تصدیق

ویب ڈیسک

اتوار, ۱۷ مارچ ۲۰۱۹

شیئر کریں

کرائسٹ چرچ دہشت گرد حملہ میں مزید تین پاکستانیوں کی شہادت کی تصدیق کر دی گئی ہے ۔ تینوں افراد کا تعلق کراچی سے ہے ۔ جبکہ واقعہ میں شہید ہونے والے پاکستانیوں کی کل تعداد 9 ہو گئی ہے جن میں سے پانچ کا تعلق کراچی سے ہے ۔ دفتر خارجہ کے مطابق پاکستانی شہداء کی تدفین اور میتوں کی وطن واپسی کے لئے اقدامات کیے جا رہے ہیں۔ ترجمان دفتر خارجہ ڈاکٹر محمد فیصل کے مطابق جن مزید تین پاکستانیوں کی شہادت کی تصدیق ہوئی ہے ان میں ذیشان رزاق، ان کے والد غلام حسین اور والدہ کرم بی بی شامل ہیں۔ شہید افراد کا تعلق کراچی سے ہے ۔ مزید تین پاکستانیوں کی شہادت کی تصدیق کے بعد شہداء کی تعداد 9 ہوگئی ہے ۔ ترجمان دفتر خارجہ کا کہنا تھا کہ ہم شہداء کے اہلخانہ سے رابطہ میں ہیں ۔