سانحہ ساہیوال کے بعد معطل رائے محمد طاہر دوبارہ ایڈیشنل آئی جی سی ٹی ڈی پنجاب تعینات

ویب ڈیسک

بدھ, ۶ مارچ ۲۰۱۹

شیئر کریں

رائے محمد طاہر کو دوبارہ ایڈیشنل آئی جی سی ٹی ڈی پنجاب تعینات کر دیا گیا۔ رائے طاہر کو سانحہ ساہیوال کے بعد عہدے سے ہٹایا گیا تھا۔ رائے طاہر کو عہدے سے اس لیے ہٹایا گیا تھا تا کہ وہ سانحہ ساہیوا ل کے حوالہ سے مشترکہ تحقیقاتی ٹیم کی تحقیقات پر اثر انداز نہ ہو سکیں۔ نجی ٹی وی کے مطابق رائے طاہر کوجے آئی ٹی کی رپورٹ میں کلیئر قرار دیا گیا جس کے بعد انہیں دوبارہ ایڈیشنل آئی جی سی ٹی ڈی تعینات کر دیا گیا جبکہ رائے سردار جن کو رائے طاہر کی غیر موجودگی میں بطور ایڈیشنل آئی جی سی ٹی ڈی کا اضافی چارج دیا گیا تھا انہیں دوبارہ فنانس ڈیپارٹمنٹ رپورٹ کرنے کا کہا گیا کیوں کہ وہ پہلے بھی ایڈیشنل آئی جی فنانس کے عہدے پر پہلے ہی کام کر رہے تھے ۔