ہزار دنوں میں غزہ پر 223 ہزار ٹن دھماکہ خیز مواد گرایا گیا
شیئر کریں
1000 دن… ایک جنگ نہیں، مسلسل انسانی المیوں کی ایک طویل داستان
غزہ کے سرکاری میڈیا دفتر کے مطابق، جنگ کے آغاز سے اب تک 1000 دن کے دوران غزہ کی پٹی پر 223 ہزار ٹن سے زائد دھماکہ خیز مواد گرایا جا چکا ہے۔
ہر دھماکے کے ساتھ کسی نہ کسی ماں کی گود اجڑی، کسی بچے کا خواب ٹوٹا، اور کسی خاندان کی پوری دنیا ملبے تلے دب گئی۔ 1000 دن… ایک جنگ نہیں، مسلسل انسانی المیوں کی ایک طویل داستان ہے۔
1000 دن پہلے شروع ہونے والی بمباری اب صرف ایک جنگ نہیں رہی، بلکہ 20 لاکھ سے زائد انسانوں کی روزمرہ زندگی کا تلخ حقیقت بن چکی ہے۔ یہاں ہر صبح خوف کے ساتھ طلوع ہوتی ہے، ہر رات غیر یقینی کے سائے میں ڈھلتی ہے۔ بھوک، پیاس، بے گھری، محاصرہ اور اپنے پیاروں کے انتظار نے لاکھوں انسانوں کی زندگی کو ایک مسلسل آزمائش میں بدل دیا ہے۔
ایسے بچے ہیں جنہوں نے بچپن کے بجائے جنگ دیکھی، ایسی مائیں ہیں جو ہر لمحہ اپنے بچوں کی سلامتی کی دعا کرتی ہیں، اور ایسے خاندان ہیں جن کے لیے "کل” صرف ایک امید کا نام رہ گیا ہے۔
1000 دن گزر گئے… مگر امن اب بھی ایک ادھورا خواب ہے، اور انسانیت اب بھی ایک مؤثر جواب کی منتظر ہے۔ فرینڈز آف فلسطین کے مطابق یہ صرف غزہ کی کہانی نہیں، بلکہ پوری انسانیت کے ضمیر کا امتحان ہے۔
