منی پورمیں دوبارہ فسادات پھوٹ پڑے،عوام،سیکیورٹی فورسزآمنے سامنے
شیئر کریں
متعدد افراد زخمی،مودی کی پالیسیوں کیخلاف علیحدگی پسند تحریکیں عروج پر پہنچ گئیں
شدید جھڑپیں، بھارتی فورسز کی 2گاڑیوں کو آگ لگادی ، فوجیوں کو یرغمال بنالیا
مودی حکومت کی انتہا پسندانہ پالیسیوں کیخلاف عوام میں شدید غم و غصہ،علیحدگی پسند تحریکیں عروج پر پہنچ گئیں۔ بھارت کے اپنے ذرائع ابلاغ نیمودی سرکار کے منی پور کے عوام پر کیے جانے والے مظالم کا پردہ چاک کر دیا۔بھارتی اُبار انڈیا ٹو ڈے کے مطابق منی پور کے ضلع بشنوپور میں دوبارہ فسادات پھوٹ پڑے، حالات شدید کشیدہ ہوگئے، بھارتی فورسز سے شدید جھڑپوں کے دوران متعدد افراد زخمی ہو گئے، مقامی افراد نے بھارتی فورسز کو علاقے میں جانے سے روکا جس پر جھڑپیں ہوئیں، منی پور کے عوام نے بھارتی فورسز کی 2گاڑیوں کو آگ لگادی جبکہ فوجیوں کو بھی یرغمال بنالیا، بھارتی نیوز ایجنسی اے این آئی کیمطابق منی پور میں شدید کشیدگی سے خوف و ہراس پھیل گیا،بھارتی فورسز کی جانب سے شدید شیلنگ بھی کی گئی۔ عالمی ماہرین کے مطابق منی پور کشیدگی پر مودی سرکار نہ صرف خاموش تماشائی بنی ہوئی ہے بلکہ سیاسی مقاصد کیلئے نسلی فسادات کو مزید ہوا دیرہی ہے جبکہ ہندوستانی فوج اپنے مذموم مفادات کی خاطر عام شہریوں کے جان ومال کو نشانہ بنانے والی دہشت گرد تنظیم کا بھیانک روپ دھار چکی ہے۔
