بلوچستان کے تعلیمی اداروں میں موسم سرما کی تعطیلات کا اعلان کردیا
Author One
هفته, ۱۴ دسمبر ۲۰۲۴
شیئر کریں
کوئٹہ:بلوچستان کے تعلیمی اداروں میں موسم سرما کی تعطیلات کا اعلان کردیا گیا۔
صوبائی محکمہ تعلیم کے مطابق بلوچستان میں سردیوں کی طویل اور گرم علاقوں میں سردیوں کی مختصر تعطیلات کا نوٹی فکیشن جاری کردیا گیا ہے۔
زرائع کے مطابق سرد علاقوں میں تعطیلات طویل ہوں گی، جو 16 دسمبر 2024ء سے 28 فروری 2025ء تک ہوں گی۔ اسی طرح گرم علاقوں میں تعطیلات کا دورانیہ مختصر رکھا گیا ہے جو 22 دسمبر تا 31 دسمبر 2024ء تک ہوگا۔
پہاڑی علاقوں میں صبح اور رات کے اوقات میں موسم شدید سرد رہے گا۔
محکمہ موسمیات کے مطابق زیارت اور قلات میں کم سے کم درجہ حرارت منفی 5ڈگری سینٹی گریڈ ریکار ڈ کیا گیا۔ ژوب میں کم سے کم درجہ حرارت منفی 3 ڈگری سینٹی گریڈ ریکارڈ ہوا۔
