آئی سی سی چیمپئنز ٹرافی کے معاملات طے پاگئے ،بھارتی میڈیا کا دعویٰ
شیئر کریں
آئی سی سی چیمپئنز ٹرافی سے متعلق بھارتی میڈیا نے دعویٰ کیا ہے کہ ایونٹ کے معاملات طے پاگئے ہیں۔بھارتی میڈیا نے دعویٰ کیا کہ تین سال تک پاکستان اور بھارت ایک دوسرے کے ملک میں نہیں کھیلیں گے ۔بھارتی میڈیا کے مطابق پاکستان کی میزبانی میں چیمپئنز ٹرافی ہائبرڈ ماڈل پر ہوگی۔ چیمپئنز ٹرافی میں بھارت اپنے میچز دبئی میں کھیلے گا۔یاد رہے کہ ٹی ٹوئنٹی ورلڈکپ 2026 کے بھارت اور سری لنکا مشترکہ میزبان ہیں۔دوسری جانب ذرائع کا کہنا ہے کہ پی سی بی نے تمام معاملات ہوسٹ ایگریمنٹ میں شامل کرنے پر اصرار کیا ہے اور مطالبہ کیا ہے کہ طے معاملات کو ہوسٹ ایگریمینٹ میں درج کیا جائے ۔بھارتی میڈیا کے دعوے پر آئی سی سی، بی سی سی آئی اور پی سی بی نے کوئی ردعمل سامنے نہیں اّیا ہے ، تاہم بھارت کی رضامندی کی صورت میں چیمپئنز ٹرافی 2025 کے معاملات اگلے 24 سے 48 گھنٹوں میں طے ہونے کا امکان ہے ۔خیال رہے کہ بھارت کے چیمپئنز ٹرافی کیلیے پاکستان آنے کے انکار کے بعد چیمپئنز ٹرافی کا انعقاد پر سوالیہ نشان لگ گیا تھا۔پاکستان کرکٹ بورڈ (پی سی بی) نے آئی سی سی اور بھارتی کرکٹ بورڈ کے سامنے سخت موقف اپنایا جبکہ معاملات کو حل طلب بنانے کیلئے فارمولا بھی پیش کیا۔بھارتی کرکٹ بورڈ کی جانب سے اب تک حتمی طور پر اس فارمولے پر آمدگی سے متعلق کوئی اعلامیہ نہیں آیا تاہم بھارتی میڈیا کا کہنا ہے کہ بی سی سی آئی اس فارمولے پر راضی ہوگیا ہے ۔
