دہشت گردی کی نرسریاں تباہ کر کے مکمل امن بحال ہو گا، بلاول بھٹو

ویب ڈیسک

بدھ, ۸ نومبر ۲۰۲۳

شیئر کریں

پاکستان پیپلز پارٹی کے چیئرمین بلاول بھٹو زرداری نے کہا ہے کہ دہشت گردی کی نرسریوں کو تباہ کر کے ہی مکمل امن بحال ہو گا۔بلاول بھٹو زرداری نے ڈیرہ اسماعیل خان میں دہشت گردی کی مذمت کرتے ہوئے متاثرہ خاندانوں سے اظہارِ تعزیت کیا۔ایک بیان میں بلاول بھٹو زرداری نے کہا کہ دہشت گردوں کے خاتمے کے لیے نیشنل ایکشن پلان پر عمل کیا جائے۔انہوں نے کہا کہ ریاست کی رٹ کو چیلنج کرنے والے مجرم ناقابل معافی ہیں۔واضح رہے کہ ڈیرہ اسماعیل خان میں درہ زندہ کے علاقے میں آئل گیس کمپنی پر دہشت گردوں نے حملہ کیا۔ڈی ایس پی کے مطابق حملے میں ڈیوٹی پر مامور 2 پولیس اہلکار شہید اور 3 زخمی ہو گئے جن میں سے ایک اہلکار کی حالت تشویش ناک ہے۔