اپوزیشن مجھ سے این آر او کے لیے فوج پر دبائو ڈال رہی ہے،وزیراعظم

ویب ڈیسک

منگل, ۲۹ دسمبر ۲۰۲۰

شیئر کریں

وزیرِ اعظم عمران خان نے کہا ہے کہ اپنی سیاست چمکانے کیلئے اداروں پر انگلیاں اٹھانے والے کسی قیمت جمہوریت کے علمبردار نہیں ہوسکتے۔وزیرِ اعظم عمران خان سے مشیر پارلیمانی امور بابر اعوان نے ملاقات کی جس میں آئینی، قانونی اور سیاسی امور پر گفتگو ہوئی۔وزیراعظم عمران خان نے جمہوریت کی مضبوطی کیلئے اداروں کے مضبوط ہونے کو اہم قرار دیتے ہوئے کہا کہ اداروں پر اپنی سیاست چمکانے کیلئے انگلیاں اٹھانے والے کسی قیمت جمہوریت کے علمبردار نہیں ہو سکتے، ریاست کے تمام ستون اپنے دائرہ کار میں رہ کر ملکی ترقی کیلئے کام کر رہے ہیں۔بابر اعوان نے معاشی استحکام اور کورونا سے بچاؤ کی حکومتی پالیسیوں کو حکومت کی اہم کامیابیاں قرار دیتے ہوئے کہا کہ اندھیرے فروشوں کا پاکستان میں اب کوئی مستقبل نہیں۔