مقبوضہ کشمیر میں بھارتی فوج کی ریاستی دہشت گردی ، مزید 3کشمیری شہید

ویب ڈیسک

بدھ, ۱۹ فروری ۲۰۲۰

شیئر کریں

مقبوضہ کشمیر کے ضلع پلوامہ میں بھارتی فوج نے سرچ آپریشن کے نام پر ریاستی دہشت گردی کا مظاہرہ کرتے ہوئے فائرنگ کرکے مزید 3نہتے کشمیری نوجوان شہید کر دیئے ۔ سرحد پار سے آمدہ اطلاعات کے مطابق مقبوضہ کشمیر میں بھارت کی جانب سے ریاستی دہشت گردی کا سلسلہ تھم نہ سکا اور بھارتی فوج کے مظالم سے کشمیری نوجوانوں کی شہادت میں دن بدن اضافہ ہوتا جارہا ہے ۔مقبوضہ کشمیر میں قابض بھارتی فوج نے ضلع پلوامہ میں گھر گھر تلاشی کے دوران مزید 3 نہتے کشمیری نوجوانوں کو شہید کردیا۔ شہید ہونے والوں میں اب تک دو نوجوانوں کی شناخت ہوگئی ہے جن میں سے ایک سید امام الدین اور دوسرا سید علی زید ہیں۔