بلوچستان کی یخ بستہ ہواؤں نے شہر قائد کا موسم مزید سرد کر دیا

Author One

اتوار, ۱۵ دسمبر ۲۰۲۴

شیئر کریں

کراچی: بلوچستان کی یخ بستہ ہواؤں نے شہر قائد کا موسم مزید سرد کر دیا جس کے سبب سردی کی شدت اصل درجہ حرارت سے 2 تا 4 ڈگری کم محسوس کی جا رہی ہے۔

محکمہ موسمیات کے مطابق کراچی میں آئندہ 24 گھنٹوں کے دوران موسم سرد اور خشک رہے گا، آج کم سے کم درجہ حرارت 12.2 ڈگری سینٹی گریڈ ریکارڈ ہوا۔

آئندہ 24 گھنٹوں کے دوران زیادہ سے زیادہ درجہ حرارت 26 جبکہ کم سے کم 10 ڈگری سینٹی گریڈ رہنے کی توقع ہے جبکہ دن بھر 10 سے 25 کلومیٹر فی گھنٹہ کی رفتار سے شمال مشرقی سمت سے ہوائیں چلنے کا امکان ہے۔