سندھ ہائیکورٹ نے گجر نالہ آپریشن روکنے سے انکارکر دیا
شیئر کریں
سندھ ہائی کورٹ نے گجر نالہ آپریشن روکنے سے انکار کردیا اور کہا پہلے بھی واضح کر چکے ہیں کہ کسی کو حکم امتناع نہیں دیں گے، کسی کو اعتراض ہے تو سپریم کورٹ سے رجوع کرے۔تفصیلات کے مطابق سندھ ہائی کورٹ میں گجر نالہ آپریشن روکنے سے متعلق درخواست پر سماعت ہوئی ، مکینوں نے عدالت میں موقف اختیار کیا کہ ہمارے مکانات پر نشانات لگائے گئے، ہمارے گھر نالے کی حدودمیں نہیں پھربھی نشانات لگائے گئے۔عدالت نے کہا شواہد پیش کریں کہ درخواست قابل سماعت ہے اور درخواست کے قابل سماعت ہونے پر دلائل طلب کرلیے۔سندھ ہائی کورٹ نے گجر نالہ آپریشن روکنے سے انکار کرتے ہوئے کہا گجر نالہ آپریشن سپریم کورٹ کی ہدایت پر کیا جا رہا ہے،پہلے بھی واضح کر چکے کسی کو حکم امتناع نہیں دیں گے، کسی کو اعتراض ہے تو سپریم کورٹ سیرجوع کرے۔یاد رہے کراچی کے گجر نالے کو اصل شکل میں بحال کرنے اور نالے پر قائم تجاوزات کے خاتمے کیخلاف آپریشن تیسرے روز بھی جاری ہے، نالے کے دونوں اطراف آٹھ آٹھ کلومیٹر تک کچی تجاوزات ہٹادی گئی ۔ڈائریکٹر اینٹی انکروچمنٹ بشیر صدیقی کاکہنا ہے کہ 70فیصد سے زائد متاثر مکانات کے متاثرین کو دو سال کا کرایہ دیں گے۔
