بھارت میں خانہ جنگی کی گونج، مودی حکومت کے خلاف ملک گیر بغاوت کی لہر

جرات ڈیسک

اتوار, ۸ نومبر ۲۰۲۶

شیئر کریں

نااہل مودی حکومت کی پالیسیاں کسانوں، نوجوانوں سمیت تمام طبقات کیلئے معاشی و سماجی استحصال کا باعث ہیں، رپورٹ

بھارت میں بڑھتی عوامی اور سیاسی مخالفت نے مودی حکومت کے جابرانہ رویے اور آمرانہ پالیسیوں کو بے نقاب کر دیا.بھارتی جریدے کے مطابق ریاست جھارکھنڈ کے وزیر صحت ڈاکٹر عرفان انصاری نے 40 لاکھ طلبہ کے احتجاج کو عوامی بے چینی کا واضح ثبوت قرار دے دیا۔ نااہل مودی حکومت کی پالیسیاں کسانوں، نوجوانوں اور اقلیتوں سمیت تمام طبقات کیلئے معاشی و سماجی استحصال کا باعث ہیں. مودی حکومت عوامی مفاد کو پسِ پشت ڈال کر مسلسل عوام مخالف اقدامات اور پالیسیوں کو فروغ دے رہی ہے۔ عوام میں مسلسل پنپتا غصہ بنگلہ دیش اور نیپال سے بھی بڑی خانہ جنگی اور شدید داخلی تصادم کے خدشات کو ہوا دے رہا ہے۔