اجے دیوگن اور عمران ہاشمی کی جوڑی کئی بار سپر ہٹ فلمیں دے چکی ہے
شیئر کریں
فلم’ ’بادشاہو‘‘ نے متحدہ عرب امارات میں باکس آفس پر3 کروڑ سے زائد کی کمائی کرلی
بالی ووڈ اسٹار اجے دیوگن اور عمران ہاشمی کی فلم’ ’بادشاہو‘‘ نے متحدہ عرب امارات میں باکس آفس پر3 کروڑ سے زائد کی کمائی کرلی۔اجے دیوگن اور عمران ہاشمی کی جوڑی کئی بار سپر ہٹ فلمیں دے چکی ہے جس میں 2010 میں ریلیز ہونے والی سپر ہٹ فلم ’’ونس اپون آ ٹائم ان ممبئی‘‘ اور ’’دل تو بچہ ہے جی‘‘ شامل ہے۔دونوں اداکاروں کی جوڑی ایک بار پھر فلم ’’بادشاہو‘‘ کے ذریعے سلور اسکرین پر واپسی کررہی ہے اور فلم کو نمائش کے لیے پیش کردیا گیا ہے۔فلم کی ہدایت کاری کے فرائض ایک بار پھر ایکشن ڈرامہ فلم بنانے والے ملن لتھریا نے سر انجام دیئے ہیں جب کہ فلمی ناقدین نے فلم کو بہترین قرار دیتے ہوئے باکس آفس کامیابی کی پیش گوئی کی ہے۔فلم نے ابتدا میں ہی متحدہ عرب امارات میں باکس آفس پر ریکارڈ کمائی کی ہے۔متحدہ عرب امارات اور گلف کے چند شہروں میں نمائش کے پہلے روز 3 کروڑ 84 لاکھ کی کمائی کرلی ہیجبکہ بھارت سے بھی ریکارڈ بزنس کی امید کی جارہی ہے۔
