اسٹیل ٹاؤن پولیس کا کارنامہ، اغواء برائے تاوان میں شریک 2پولیس اہلکار گرفتار
شیئر کریں
ڈسٹرکٹ ملیر تھانہ اسٹیل ٹاؤن پولیس نے کارروائی کرتے ہوئے شارٹ ٹرم کڈنیپنگ میں ملوث دو پولیس اہلکاروں سمیت تین ملزمان کو گرفتار کر لیا اغوا کار ملزمان نے شہری تاجر مرزا احتشام بیگ کو اغوا کرکے 19 لاکھ روپے تاوان وصول کیا ضلعی پولیس افیسر کی ہدایت پر اسٹیل ٹاؤن پولیس نے کارروائی کرتے ہوئے دو اہلکاروں سمیت تینوں ملزمان کو گرفتار کر لیا ملزمان نے مغوی کے اہلخانہ سے کہا کہ ہمارا تعلق پاکستان کی خفیہ ایجنسی سے ہے ملزمان نے مغوی کے اہلخانہ کو ملیر کینٹ کے قریب بلوا کر 30 لاکھ کی ڈیمانڈ کی گرفتار ملزمان میں پولیس اہلکار رفیق گارڈن ہیڈ کوارٹر میں تعینات ہے جبکہ دوسرا ملزم پولیس اہلکار یونس تھانہ کلا کوٹ میں تعینات ہے تیسرا گرفتار ملزم اغوا کاروں کا مخبر خاص بتایا جا رہا ہے شارٹ ٹرم اور کڈنیپنگ ٹیم میں ہیڈ کانسٹیبل سرفراز جس کا تعلق تھانہ گڈاپ سے ہے ہیڈ کانسٹیبل اور اس کے دو پرائیویٹ قریبی ساتھیوں میں شاجہان اور شیراز بھی اغوا کی وارداتوں میں شریک ہیں جن کی گرفتاری کے لیے ضلع ملیر پولیس کی جانب سے چھاپہ مار کارروائیاں جاری ہیں تاہم گرفتار ملزمان کے قبضہ سے اغوا کی وارداتوں میں استعمال ہونے والی ایک کار، اسلحہ سمیت تاوان کی رقم برآمد ہو چکی ہے
