مسلح افواج کے سربراہوں کا سابق صدر جنرل (ر) پرویز مشرف کے انتقال پر اظہار افسوس
جرات ڈیسک
اتوار, ۵ فروری ۲۰۲۳
شیئر کریں
چیئرمین جوائنٹ چیفس آف اسٹاف کمیٹی جنرل ساحر شمشاد مرزا اورتینوں مسلح افواج کے سربراہوں نے سابق صدر، سابق چیئرمین جوائنٹ چیفس آف اسٹاف کمیٹی اور سابق چیف آف آرمی اسٹاف جنرل (ر) پرویز مشرف کے انتقال پر دلی افسوس کا اظہار کیا ہے۔ سابق صد جنرل (ر) پرویز مشرف اتوار کے روز دبئی کے ایک نجی ہسپتال میں انتقال کر گئے۔ ڈی جی آئی ایس پی آر میجر جنرل احمد شریف چودھری کی جانب سے جاری بیان کے مطابق چیئرمین جوائنٹ چیفس آف اسٹاف کمیٹی جنرل ساحر شمشاد مرزا اورتینوں مسلح افواج کے سربراہوں نے مرحوم کے درجات کی بلندی کے لیے دعا کی ہے۔ جبکہ مسلح افواج کی قیادت نے جنرل (ر) پرویز مشرف کے خاندان کے ساتھ اظہار ہمدردی کرتے ہوئے کہا ہے کہ اللہ تعالیٰ انہیں یہ صدمہ برداشت کرنے کی توفیق عطا فرمائے۔
