حیدرآباد ،غیرقانونی تعمیرات میں سندھ بلڈنگ کنٹرول کا شعبہ ڈیمولیشن ملوث
شیئر کریں
( رپورٹ / شاہنواز خاصخیلی ) سندھ بلڈنگ کنٹرول اتھارٹی حیدرآباد کے شعبہ ڈیمولیشن کی کالی بھیڑوں نے لطیف آباد میں غیرقانونی تعمیرات کرنے والی مافیا سے گٹھ جوڑ قائم کررکھا ہے ۔ تفصیلات کے مطابق لطیف آباد میں غیرقانونی تعمیرات شعبہ ڈیمولیشن کی کمائی کا ذریعہ بنا ہوا ہے ، ذرائع کے مطابق ایس بی سی اے حیدرآباد کے شعبہ ڈیمولیشن کے افسران حیدرآباد کے مختلف علاقوں سمیت لطیف آباد میں غیرقانونی تعمیرات کی سرپرستی کررہے ہیں ، ذرائع کے مطابق غیرقانونی تعمیرات کے خلاف کارروائی کا حکم نامہ بلیک میلنگ کے لیے استعمال کیا جاتا ہے ، ماہانہ وصولی کے لیے پرائیوٹ ملازمین رکھے گئے ہیں ، جو غیرقانونی تعمیرات کی نشاندہی بھی کرتے ہیں، ذرائع کے مطابق ڈائریکٹر جنرل اور ریجنل ڈائریکٹر کے نام پر بھاری رقم وصول کی جاتی ہے ، لطیف نمبر 7،2 6،8، 11 سمیت دیگر یونٹس میں 120، 180 گز اور 200 گز کے چھوٹے رہائشی پلاٹس پر قائم گھروں کو منہدم کرکے دو ، تین منزلہ پرائیویٹ کمرشل عمارتیں تعمیر کی جارہی ہیں ، ذرائع کے مطابق لطیف آباد اس وقت سندھ بلڈنگ کنٹرول اتھارٹی کے شعبہ ڈیمولیشن کے لیے سونے کی کان بنا ہوا ہے ، روزانہ کی بنیاد پر وصولی کی جاتی ہے، لطیف آباد میں غیرقانونی تعمیرات کی تفصیلات جلد ہی منظر عام پر لائی جائیں گی ۔
