غیر ملکی سرمایہ کاری کو تحفظ دینے کے لیے قانون سازی کا فیصلہ

جرات ڈیسک

اتوار, ۱۱ دسمبر ۲۰۲۲

شیئر کریں

حکومت نے مستقبل میں غیرملکی سرمایہ کاری کو تحفظ دینے کے لیے قانون سازی کا فیصلہ کر لیا۔ پارلیمانی ذرائع کے مطابق بل کا مقصد سرمایہ کاروں کو غیر ضروری عدالتی کارروائیوں سے تحفظ دینا بھی ہے، ریکوڈیک معاہدے پر صدراتی ریفرنس کی روشنی میں قانون سازی کی جائیگی۔ ذرائع کے مطابق قانون سازی کے لیے سینیٹ اجلاس طلب کرنے کا فیصلہ کر لیا گیا جبکہ غیرملکی سرمایہ کاری تحفظ بل میں سرمایہ کاروں کو غیر ضروری پریشانی سے تحفظ حاصل ہوگا، قانون سازی سے ملک میں غیر ملکی سرمایہ کاروں کو محفوظ ماحول مہیا ہوگا۔ ذرائع کے مطابق قانون سازی کا فیصلہ غیر ملکی سرمایہ کاروں کی جانب سے بڑھتی شکایات پر کیا گیا، بل پہلے سینیٹ میں پیش کیا جائے یا قومی اسمبلی میں؟ اس حوالے سے مشاورت جاری ہے۔