ٹڈی دل کے خاتمے کے فنڈ میں گھپلوں کا انکشاف

ویب ڈیسک

بدھ, ۲۳ مارچ ۲۰۲۲

شیئر کریں

(رپورٹ :شاہنواز خاصخیلی)ٹڈی دل فنڈ میں گھپلے، نیب ٹیم ڈائریکٹر جنرل ایگریکلچر ایکسٹینشن آفس پہنچ گئی، گاڑیوں اور ریکارڈ کی چھان بین، اے اے پی پراجیکٹ کی تحقیقات بھی کی جا رہی ہیں، ذرائع، تفصیلات کے مطابق ٹڈی دل کے خاتمے کیلئے جاری کردہ فنڈ میں مبینہ گھپلوں کی تحقیقات کے سلسلے میں نیب ٹیم محکمہ زراعت کے ڈائریکٹر جنرل ایگریکلچر ایکسٹینشن کے آفس پہنچی، نیب ٹیم نے ٹڈی دل خاتمے کیلئے خریدی گئی گاڑیوں کا فزیکل ویری فکیشن کی اور ریکارڈ کی چھان بین بھی کی، ذرائع کے مطابق محکمہ زراعت میں اے اے پی پراجیکٹ کی تحقیقات کی جا رہی ہیں، ذرائع کے مطابق ٹڈی دل کے خاتمے کیلئے گاڑیوں کی خریداری سمیت زرعی ادویات کی خریداری میں بڑے پیمانے پر گھپلے کئے گئے جس کی تحقیقات نیب میں جاری ہیں، جبکہ اے اے پی پراجیکٹ کی فنڈز کی بھی تحقیقات جاری ہیں۔