بھارت میں عیسائیوں کو جبراً ہندوبنانے کاانکشاف
شیئر کریں
امریکی اخبار نیو یارک ٹائمز نے انکشاف کیا ہے کہ بھارت میں عیسائی سمیت تمام اقلیتیں خود کو غیرمحفوظ تصور کرنے لگے ہیں، بھارت میں عیسائیوں پر ظلم کے پہاڑ توڑے جارہے ہیں ،موت کے خوف سے مسیحیوں نے خود کو ہندو ظاہر کرنا شروع کر دیا ہے بھارت میں اقلیتوں پر ظلم کے خلاف امریکی اخبار دی نیو یارک ٹائمز نے انکشاف کیا ہے کہ ہندوانتہا پسندعیسائیوں کی عبادت گاہوں کو نقصان پہنچاتے ہیں اورعیسائیوں کوعبادت کرنے سے روکتے ہیں۔رپورٹ کے مطابق عیسائیوں پر بڑھتے ظلم کی وجہ وہاں کی ہندو انتہا پسندانہ سوچ ہے، بھارت میں اقلیت خود کو غیرمحفوظ تصور کرتے ہیں۔یہی نہیں ہندوانتہا پسندعیسائیوں کو ہندو مذہب اختیار کرنے پر بھی جبری طور پر مجبور کررہے ہیں، موت کے خوف سے عیسائیوں نے خود کو ہندو ظاہر کرنا شروع کردیا ہے۔نیو یارک ٹائمز کے مطابق بھارت کے ہندو وکلا نے عیسائی خیراتی ادارے کو بند کروانے کیلئے شکایات کیں ،مودی سرکار مسلمانوں کے قتل اور عیسائیوں کی نسل کشی پر مجرمانہ خاموشی اختیار کیے ہوئے ہے۔رپورٹ میں مزید کہا گیا ہے کہ اقلیتوں پر مظالم کے خلاف مودی سرکار کی خاموشی پرعالمی برادری کو تحفظات ہیں، انتہا پسند نریندر مودی ہندوستان کو قوم پرست ملک بنانے کے خواہاں ہیں
