مشکل آسان 3ہزار رشوت دیکر گھر بیٹھے ڈرائیونگ لائسنس بننے لگے
شیئر کریں
شہری نے بغیر میڈیکل ٹیسٹ اور ڈرائیونگ کا امتحان دیے لائسنس بنوانے کا آسان طریقہ بتادیا ، 25 سو سے 3ہزار روپے رشوت دیں اور گھر بیٹھے لائسنس حاصل کریں۔تفصیلات کے مطابق بغیرمیڈیکل ٹیسٹ اور ڈرائیونگ کا امتحان دیے لائسنس کیسے بنے گا؟ ڈی ایل کورنگی ایم وی آئی ملازم اسلم میرانی نے مشکل آسان کردی، 25 سو سے 3 ہزار روپے رشوت دیں اور گھر بیٹھے لائسنس حاصل کریں۔شہری نے کورنگی ڈی ایل برانچ میں اسلم میرانی کی خفیہ ویڈیو بنالی، جس میں اسلم میرانی موٹروہیکل آفس میں انسپکٹرعلی کیساتھ ڈیوٹی انجام دیتا ہے ، ویڈیومیں مبینہ طورپراسلم میرانی کو رشوت لیتے دیکھا جاسکتا ہے۔نجی ٹی وی چینل نے ویڈیوبنانے والے شہری سے فون پر گفتگو کرتے ہوئے بتایا کہ پہلے میں نے فیس جمع کرائی تونظر کے ٹیسٹ میں فیل ہوگیا پھرمیرا کسی نے میرانی سے رابطہ کرایا، بغیرٹوکن حاصل کیے میرانی نے مجھے سیدھا اندر بلالیا، فیس کے علاوہ مجھ سے3 ہزار مانگے گئے تو 25 سو میں طے پایا۔شہری کا کہنا تھا کہ اسی وقت ٹوکن نکلوا کر دوبارہ سے پراسس شروع کرا دیا، نہ میڈیکل ٹیسٹ ہوانہ ڈرائیونگ ٹیسٹ، سب کچھ کلیئرکرادیا، ایک روز کے اندر میرے گھر پر کورئیر سے لائسنس آگیا۔
