کراچی کے مختلف علاقوں میں بدترین ٹریفک جام
شیئر کریں
کراچی کے مختلف علاقوں میں بدترین ٹریفک جام سے گاڑیوں کی لمبی قطاریں لگ گئیں۔موسلا دھاربارشوں کے بعد بند کیے گئے کورنگی کازوے کو ٹریفک کے لیے کھول دیا گیا،جس کے باعث اطراف کی سڑکوں پر صبح ہی سے شدید ٹریفک جام دیکھنے میں آرہا ہے۔موسلادھار بارشوں کے باعث قیوم آباد سے کورنگی ندی سے آنے اورجانے والے روڈ پرکئی فٹ پانی جمع ہونے کی وجہ سے جام صادق پل پر ٹریفک بری طرح جام ہے، گاڑیوں کی لمبی قطاریں لگ گئی ہیں، شہری منٹوں کا سفر گھنٹوں میں طے کرنے پر مجبورہیں۔کورنگی انڈسٹریل ایریا میں بھی بدترین ٹریفک جام رہا، قیوم آباد، کورنگی کازوے ، بروکس چورنگی،بلال چورنگی اوراطراف میں بری طرح ٹریفک جام ہے،ٹرالرزاور ٹینکرزکے علاوہ دیگرگاڑیاں ٹریفک میں پھنسی رہی۔ٹریفک پولیس کا کہنا ہے کہ کازوے روڈ پر پانی جمع ہونے سے ٹریفک کا دباو بڑھ گیا ہے جس کے باعث شہریوں شدید پریشانی کا سامنا ہے۔دوسری جانب ایم اے جناح روڈ،گارڈن، پریڈی میں گاڑیوں کی لمبی قطاریں لگی ہوئی ہیں،آئی آئی چندرگر روڈ پر بھی ٹریفک جام ہیں۔
